জম্মু-কাশমীৰৰ অনন্তনাগ জিলাত সন্ত্ৰাসবাদীৰে হোৱা সংঘৰ্ষত কৰ্ণেলসহ ৩ গৰাকী নিৰাপত্তাৰক্ষী ছহীদ হয় । বুধবাৰে জম্মু-কাশ্মীৰৰ অনন্তনাগ জিলাত কোকেৰনাগ অঞ্চলত সেনা আৰু সন্ত্ৰাসবাদীৰে হোৱা সংঘৰ্ষত কৰ্ণেল মনপ্ৰীত সিং, মেজৰ আশীষ আৰু ডি,এছ,পি হুমায়ুন নিহত হয়।
চোৰাংচোৱাৰ পৰা পোৱা খবৰৰ ভিত্তিত যোৱা মঙলবাৰৰ পৰা সন্ত্ৰাসবাদীৰ বিৰুদ্ধে অনন্তনাগত অভিযান চলাইছিল সেনা-আৰক্ষীয়ে।
দুদিন ধৰি সন্ত্রাসবাদীৰ বিৰুদ্ধে চলা সেনা আৰক্ষীৰ অভিযানৰ সময়ত বুধবাৰে দুয়োপক্ষৰ মাজত হোৱা সংঘৰ্ষত আহত হোৱা সেনা-আৰক্ষীৰ জোৱানক হেলিকপ্তাৰৰে সুৰক্ষিত স্থানলৈ নি চিকিৎসাৰ ব্যৱস্থা কৰিছে।