আজি ভাৰতৰ অলৰাউণ্ডাৰ হাৰ্ডিক পাণ্ডিয়াৰ জন্মদিন । আজি জীৱনৰ ৩০ টা বছৰ সম্পূৰ্ণ কৰিলে হাৰ্ডিক পাণ্ডিয়াই । ভাৰত আৰু আফগানিস্তান ২২ গজৰ যুদ্ধত নমাৰ পূৰ্বে জন্মদিনৰ কেক কাটিলে হাৰ্ডিক পাণ্ডিয়াই।
দিল্লীৰ কোটলাত খেলৰ পূৰ্বে খেলপথাৰত প্ৰৱেশ কৰাৰ সময়ত অনুৰাগীসকলে হাৰ্দিকক চিঞৰি চিঞৰি জনাইছিল জন্মদিনৰ শুভেচ্ছা । হাৰ্দিকেও হাত জোকাৰি অনুৰাগীৰ শুভেচ্ছা গ্ৰহণ কৰিছিল। সেইসময়তে খেল সম্প্ৰচাৰ কৰা চেনেলটোৰ কৰ্মকৰ্তা সকলে , হাৰ্দিকক লৈ গ’ল এখন টেবুলৰ সন্মুখলৈ । য’ত তেওঁলোকে সজায় থৈছিল এটা কেক। প্ৰাক্তন ক্ৰিকেটাৰ গৌতম গম্ভীৰৰ সৈতে আঁত ধৰোতা যতীন চাপ্ৰুয়ে হাৰ্দিকক অনুৰোধ কৰিলে জন্মদিনৰ কেক কাটিবলৈ । গৌতম গম্ভীৰে হাৰ্দিকক জন্ম দিনৰ শুভেচ্ছা জনায় এটুকুৰা কেক খুৱাই দিয়ে ।
বুধবাৰে পুৱাই বিভিন্নজনৰ পৰা জন্মদিনৰ শুভেচ্ছা লাভকৰা অলৰাউণ্ডাৰ গৰাকীক জন্মদিনৰ উপহাৰ হিচাপে পুত্র অগষ্ট্যায় দিয়ে নিজে অংকন কৰা এখন ছবি ।