পাঠানকোট আক্রমণৰ মাষ্টাৰমাইণ্ড তথা ম’ষ্ট ৱাণ্টেড সন্ত্রাসবাদী ছাহিদ লতিফক বুধবাৰে পাকিস্তানত হত্যা কৰে অচিনাক্ত দুৰ্বৃত্তই।
২০১৬ বৰ্ষত পাঞ্জাৱৰ পাঠানকোটৰ বায়ুসেনাৰ এয়াৰ বেছত ভয়ংকৰ আক্রমণ চলাইছিল জয়ছ ই মহম্মদে । এই আক্রমণত ভাৰতীয় সেনাৰ ৭ জন জোৱান শ্বহীদ হৈছিল । এন আই এৰ তদন্তত এই ঘটনাৰ মাষ্টাৰমাইণ্ড হিচাপে চিনাক্ত হৈছিল ছাহিদ লটিফ ।
এন আই এৰ তদন্ততে পোহৰলৈ আহিছিল পাকিস্তানত সন্ত্রাসবাদীয়ে পাঠানকোটৰ বায়ুসেনাৰ এয়াৰবেছ আক্রমণৰ পৰিকল্পনা কৰাৰ তথ্য ।সন্ত্রাসবাদী সংগঠন জইছ ঈ মহম্মদে এই আক্রমণৰ বাবে ৪ টা আত্মঘাটি বোমাৰুক প্রশিক্ষণ দি প্রেৰণ কৰিছিল ভাৰতলৈ ।
৪৭ বছৰীয়া ছাহিদ লটিফক বুধবাৰেপাকিস্তানত কোনে হত্যা কৰিলে সেইটো এতিয়াও পোহৰলৈ অহা নাই । দুই অচিনাক্ত দুবৃত্তই ছাহিদ লটিফক হত্যা কৰাৰ খবৰ সদৰি কৰিছে পাকিস্তানে।