ৰাজস্থানৰ প্ৰতাপগড় জিলাত শনিবাৰে সংঘটিত হয় এক ভয়ংকৰ পথ দুৰ্ঘটনা। এখন বাছ আৰু ট্ৰলীৰ মাজত হোৱা সংঘৰ্ষত ৪ জন লোকৰ মৃত্যু হোৱাৰ বিপৰীতে ১৭ জন লোক আহত হয়।
আৰক্ষীয়ে জনোৱা মতে, বাছখনত থকা যাত্ৰীসকল এটা মন্দিৰত পূজা কৰিবলৈ গৈছিল। দুৰ্ঘটনাত পতিত হোৱা সকলো লোক লাম্বা ডাবৰা গাঁৱৰ বাসিন্দা।,
সুহাগপুৰা থানাৰ ভাৰপ্ৰাপ্ত ইন্দ্ৰজিতে জানিবলৈ দিয়া মতে, বাছখন প্ৰতাপগড়-বাঞ্চবাড়া ঘাইপথৰ কচোটিয়া গাঁও পোৱাৰ সময়তে পথৰ সমীপত থিয় হৈ থকা এখন ট্ৰলীৰ সৈতে সংঘৰ্ষ হয়।
প্ৰতাপগড় জিলাৰ উপায়ুক্ত ইন্দ্ৰজিৎ যাদৱে জানিবলৈ দিয়া মতে, এই দুৰ্ঘটনাত ৪ জন লোকৰ মৃত্যু হোৱাৰ লগতে প্ৰায় ১৭ জন লোক আহত হৈছে।
আহতসকলক হাস্পতালত ভৰ্তি কৰোৱাৰ লগতে সকলো প্ৰয়োজনীয় সা-সুবিধা প্ৰদান কৰি থকা হৈছে বুলিও জনায়।
দুৰ্ঘটনা সন্দৰ্ভত তদন্ত চলি আছে আৰু তাৰ পিছতহে দুৰ্ঘটনাটোৰ বিষয়ে অধিক তথ্য পোহৰলৈ আহিব।