শ্ৰীনগৰ-জম্মু ৰাষ্ট্ৰীয় ঘাইপথত সংঘটিত এক ভয়ংকৰ পথ দুৰ্ঘটনাত চাৰিজন লোকৰ মৃত্যু হয়। শুকুৰবাৰে পুৱতি নিশা প্ৰায় ২ বজাত জম্মুৰ উপকণ্ঠ জ্জজ্জৰ কোটলীত এই ভয়ংকৰ পথ দুৰ্ঘটনাটো সংঘটিত হোৱা বুলি আৰক্ষীয়ে জনায়।
জানিব পৰা অনুসৰি, এখন আপেলভৰ্তি ট্ৰাকে শ্ৰীনগৰ তৰফৰ পৰা জম্মু দিশে গৈ থকা অৱস্থাত ট্ৰাকখনে নিয়ন্ত্ৰণ হেৰুৱাই জ্জজ্জৰ কোটলী দলঙৰ ডিভাইডাৰত প্ৰচণ্ড জোৰত খুন্দা মাৰে।
এই দুৰ্ঘটনাটোৰ ফলত ট্ৰাকখনৰ চালকৰ লগতে আন তিনিজন লোকৰ মৃত্যু হয়।
পুৱতি নিশা প্ৰায় ২.৩০ বজাত সংঘটিত পথ দুৰ্ঘটনাটোৰ খবৰ পোৱাৰ লগে লগে ঘটনাস্থলত আৰক্ষীৰ লোক উপস্থিত হৈ মৃতদেহ কেইটা উদ্ধাৰ কৰি সমীপৰ হাস্পতাললৈ প্ৰেৰণ কৰে। দুৰ্ঘটনাটোত মৃত্যু হোৱা লোকসকলক এই পৰ্যন্ত চিনাক্ত কৰিব নাই।
আৰক্ষীয়ে দুৰ্ঘটনাটো সন্দৰ্ভত নিজাববীয়াকৈ গোচৰ ৰুজু কৰি ঘটনাৰ তদন্ত অব্যাহত ৰাখিছে।