ৰাজস্থানৰ আজমেৰ জিলাৰ লোহাগল পথৰ পেট্ৰ’ল পাম্পৰ সমীপৰ কবীৰ নগৰত শনিবাৰে নিশা সংঘটিত হয় এক ভয়ংকৰ দুৰ্ঘটনা। এখন গাড়ীয়ে ডিভাইডাৰত খুন্দা মৰাৰ ফলত তিনিজন লোকৰ মৃত্যু হোৱাৰ লগতে আন দুজন লোক আহত হয়।
জানিব পৰা মতে, তীব্ৰবেগত থকা গাড়ীখনে ডিভাইডাৰত খুন্দা মৰাৰ পিছতেই দাউ দাউকৈ জ্বলি উঠে গাড়ীখন।
অলপ সময়ৰ ভিতৰতে জুইয়ে ইমান ভয়াৱহ ৰূপ ধাৰণ কৰে যে গাড়ীত যাত্ৰা কৰা পাঁচজন লোকক জুইৰ লেলিহান শিখাই আৱৰি ধৰে।
ইয়াৰ ফলত দুজন লোকৰ থিতাতে মৃত্যু হোৱাৰ বিপৰীতে এজনৰ চিকিৎসালয়ত মৃত্যু ঘটে। ইফালে অগ্নিদগ্ধ আন দুজন লোকক জে এল এন হাস্পতালত চিকিৎসাধীন হৈ আছে।
দুৰ্ঘটনাৰ তথ্য পোৱাৰ পিছতে ঘটনাস্থলত উপস্থিত হয় আৰক্ষী। একে সময়তে অগ্নিনিৰ্বাপক বাহিনীৰ গাড়ীয়ে জুই নিয়ন্ত্ৰণ কৰিবলৈ সক্ষম হয়।