বিশ্বকাপ ২০২৩ৰ ফাইনেলত ভাৰতীয় দলক মোক্ষম আঘাত দিয়া অষ্ট্ৰেলিয়াৰ অ’পেনিং বেটছমেন ট্ৰেভিছ হেডে আই পি এল ২০২৪ৰ নিলামত আশ্বৰ্যকৰ ধন ৰাশি লাভ কৰিছে।
ছানৰাইজাৰ্ছ হায়দৰাবাদে ৬ কোটি ৮০ লাখ টকা দি তেওঁক ক্ৰয় কৰে।
উল্লেখ্য যে, ২০২৩ চনৰ বিশ্বকাপত অষ্ট্ৰেলিয়াক চেম্পিয়ন হিচাপে গঢ়ি তোলাত হেডে অতি গুৰুত্বপূৰ্ণ ভূমিকা পালন কৰিছিল। ফাইনেলত তেওঁ খেলা ১৩৭ ৰানৰ ইনিংছৰ বাবেই বিশ্বকাপ বিজয়ৰ সপোন চূৰ্ণ-বিচূৰ্ণ হৈছিল ভাৰতৰ।
২০১৬ বৰ্ষত অভিষেক ঘটা হেডে আই পি এলত মুঠ ১০ খন মেচ খেলিছে। ২০১৬ আৰু ২০১৭ ছিজন মিলি খেলা ১০ খন মেচত হেডে ২০৫ ৰান কৰিবলৈ সক্ষম হৈছে।
ৰয়েল চেলেঞ্জাৰছ বেংগালুৰুৰ হৈ আই পি এলত অভিষেক ঘটা এই তাৰকা বেটছমেনজনক এতিয়া ছানৰাইজাৰ্ছ হায়দৰাবাদৰ হৈ খেলা দেখা যাব।
একে সময়তে যদি তেওঁৰ টি-২০ ইণ্টাৰনেশ্যনেলৰ পৰিসংখ্যা চাওঁ তেন্তে তেওঁ ২৩ খন মেচত ৫৫৪ ৰান সংগ্ৰহ কৰিছে। আন্তঃৰাষ্ট্ৰীয় টি-২০ত তেওঁৰ নামত আছে এটা অৰ্ধশতক।