সোমবাৰে নিশা সংঘটিত ভয়ংকৰ পথ দুৰ্ঘটনাত দুজন আৰক্ষী পৰিদৰ্শকৰ মৃত্যু হয়। হাৰিয়ানাৰ চোনিপটত সংঘটিত ভয়ংকৰ পথ দুৰ্ঘটনাত দিল্লী আৰক্ষীৰ পৰিদৰ্শক দীনেশ বেনিৱাল আৰু আদৰ্শ নগৰ থানাত কৰ্মৰত এ, টি, অ’ পৰিদৰ্শক ৰণবীৰৰ থিতাতে মৃত্যু হয় । জানিব পৰা মতে, সোমবাৰে নিশা কুণ্ডলী সীমান্তত এখন কেণ্টাৰ আৰু আৰক্ষী গাড়ীৰ সৈতে সংঘটিত মুখামুখি সংঘৰ্ষত আৰক্ষীৰ বাহন খন ছিন্নভিন্ন হৈ পৰে।
জানিব পৰা মতে, এই সংঘৰ্ষ ইমানেই ভয়াৱহ আছিল যে দিল্লী আৰক্ষী পৰিদৰ্শকজন গাড়ীখনৰ ভিতৰতে আবদ্ধ হৈ পৰে । সোমবাৰে নিশা চাৰে ১১ বজাত সংঘটিত হয় এই ভয়ংকৰ পথ দুৰ্ঘটনা। ঘন কুঁৱলীৰ বাবেই এই দুৰ্ঘটনা সংঘটিত হোৱা বুলি উল্লেখ কৰিছে বিভিন্নজনে । অৱশ্যে এই সন্দৰ্ভত কোনো আনুষ্ঠানিক তথ্য এতিয়াও প্ৰকাশ কৰা নাই আৰক্ষীয়ে ।