ঘোষণা হ’ল ২০২৪ চনৰ ফিল্মফেয়াৰ বঁটা।বহু চেলিব্ৰিটীয়ে খোজ দিলে ফিল্মফেয়াৰৰ ৰঙা কাৰ্পেটত,বহুতেই লাভ কৰিলে বঁটা। দেওবাৰে গুজৰাটৰ গান্ধীনগৰত অনুষ্ঠিত হৈছিল ফিল্মফেয়াৰ বঁটা। অনুষ্ঠান পৰিবেশন কৰে কৰীণা কাপুৰ,কৰিশ্মা কাপুৰ,চাৰা আলি খান, ৰণবীৰ কাপুৰ আৰু বহু অভিনেতা-অভিনেত্ৰীয়ে।’12th Fail’ ৰ মুখ্য অভিনেতা বিক্ৰান্ত মেছী আৰু মেধা শংকৰে একেলগে খোজ দিছিল। দৰিদ্ৰতা অতিক্ৰম কৰি আই পি এছ বিষয়া হোৱা মনোজ কুমাৰৰ অভিনয় কৰি ফিল্মফেয়াৰৰ শ্ৰেষ্ঠ অভিনেতা(সমালোচক)ৰ বঁটা লাভ কৰে বিক্ৰান্ত মেছীয়ে।’এনিমেল’ ছবিৰ বাবে মুখ্য চৰিত্ৰৰ শ্ৰেষ্ঠ অভিনেতা বঁটা লাভ কৰে ৰণবীৰ কাপুৰে। পৰিচালক সন্দীপ ৰেড্ডী ভাঙ্গা, অভিনেত্ৰী ত্ৰিপ্তি ডিমৰীকে ধৰি চলচ্চিত্ৰখনৰ সকলো উপস্থিত আছিল।চাৰা আলি খান আৰু জাহ্নৱী কাপুৰেও তেওঁলোকৰ গ্লেমাৰছ লুকেৰে ৰঙা কাৰ্পেটত খোজ পেলাইছিল। অভিনেতা ফাৰদিন খানক বহুদিনৰ পিছত দেখা পোৱা গ’ল ফিল্মফেয়াৰত ।