উত্তৰ প্ৰদেশৰ কানপুৰত সংঘটিত হৈছে এক ভয়ংকৰ পথ দুৰ্ঘটনা। এখন ট্ৰাকে শিক্ষাৰ্থী কঢ়িওৱা এখন বাহনক খুন্দিওৱাৰ ফলত এগৰাকী শিক্ষাৰ্থীৰ মৃত্যু হোৱাৰ লগতে আন ৯গৰাকী শিক্ষাৰ্থী গুৰুতৰভাৱে আহত হয়।
কানপুৰ জিলাৰ বিলহাউৰৰ আৰউল থানাৰ অন্তৰ্গত ছৰেয়া গাঁৱত সংঘটিত হৈছে এই ঘটনা।
দুৰ্ঘটনাটোত আহত হোৱা শিক্ষাৰ্থীসকলক কানপুৰৰ লালা লাজপত ৰায় হাস্পতালত ভৰ্তি কৰোৱা হৈছে বুলি জানিব পৰা গৈছে।
জানিব পৰা মতে, স্খুলীয়া শিক্ষাৰ্থী কঢ়িয়াই নি থকা বাহনখনক পিছ ফালৰ পৰা এখন ট্ৰাকে প্ৰচণ্ড জোৰত খুন্দিওৱাৰ ফলত বাহনখনে নিয়ন্ত্ৰণ হেৰুৱাই পথৰ কাষত ৰৈ থকা আন এখন ট্ৰাকত খুন্দিয়াই।