দক্ষিণ কামৰূপৰ ছমৰীয়াত সংঘটিত হৈছে ভয়াবহ পথ দুৰ্ঘটনা। এই দুৰ্ঘটনাটোত দুগৰাকী নৱম শ্ৰেণীৰ ছাত্ৰৰ মৃত্যু হোৱাৰ খবৰ আহিছে।
বিদ্যালয়ৰ পৰা এখন বাইকেৰে ছমৰীয়া দিশে ফুৰিবলৈ যোৱাৰ সময়তে নিয়ন্ত্ৰন হেৰুৱাই পথ দুৰ্ঘটনাত পতিত হয় ছাত্ৰ দুগৰাকী।
দুৰ্ঘটনাটোত মৃত্যু হোৱা ছাত্ৰ দুগৰাকী সোণতলী শ্বান একাডেমীৰ নৱম শ্ৰেণীত অধ্যয়নৰত আছিল৷ ছাত্ৰ দুগৰাকীক ছানিদুল ইছলাম আৰু হাৰুনাল ৰশ্বিদ বুলি চিনাক্ত কৰা হৈছে৷
ছানিদুল ইছলামৰ ঘৰ সোণতলীৰ নাওভাঙা গাঁৱত আৰু হাৰুনাল ৰশ্বিদৰ ঘৰ ৩নং দক্ষিণ ৰাঙাপানীত বুলি জানিব পৰা গৈছে৷
দুৰ্ঘটনাটো সংঘটিত হোৱাৰ পিছত ছাত্ৰ দুগৰাকীক ওচৰৰে হাস্পতাললৈ লৈ যোৱা হৈছিল যদিও চিকিৎসকে ইতিমধ্যে দুয়োগৰাকী ছাত্ৰৰ মৃত্যু হোৱা বুলি ঘোষণা কৰে।
ছাত্ৰ দুগৰাকীৰ অকাল মৃত্যুত সোণতলী অঞ্চলত এতিয়া গভীৰ শোকৰ ছাঁ পৰা পৰিলক্ষিত হৈছে।