ইংলেণ্ডৰ বিৰুদ্ধে চলি থকা টেষ্ট শৃংখলাৰ বাকী থকা তিনিখন টেষ্টৰ বাবে ঘোষণা কৰা হৈছে ভাৰতীয় দল। প্ৰথম দুখন টেষ্টৰ দৰে অন্তিম তিনিখন টেষ্টৰ বাবেও দলত উপলব্ধ নাথাকিব বিৰাট কোহলী।
ব্যক্তিগত কাৰণৰ বাবে টেষ্ট শৃংখলাটোৰ বাকী থকা তিনিখন মেচৰ পৰা আঁতৰি থকাৰ সিদ্ধান্ত লৈছে কোহলীয়ে।
ইফালে আঘাতৰ বাবে দ্বিতীয়খন মেচৰ পৰা বাহিৰ হোৱা ৰবীন্দ্ৰ জাদেজা আৰু কে এল ৰাহুল বাকি তিনিখন মেচৰ বাবে নিৰ্বাচিত হৈছে।
আনহাতে আই পি এলত ৰয়েল চেলেঞ্জাৰ্ছ বেংগালুৰুৰ হৈ খেলা বেগী বলাৰ আকাশ দীপকো দলত স্থান দিয়া হৈছে। বেয়া ফৰ্মৰ সৈতে যুঁজি থকা শ্ৰেয়াছ আয়াৰক দলৰ পৰা বাহিৰ কৰা হৈছে।
ঘোষণা কৰা ভাৰতীয় দলটো
ৰোহিত শৰ্মা (অধিনায়ক), জশপ্ৰীত বুমৰাহ (উপ-অধিনায়ক), যশস্বী জয়ছোৱাল, শুভমন গিল, কে এল ৰাহুল, ৰবীন্দ্ৰ জাদেজা, ৰজত পাটিদাৰ, ছৰফৰাজ খান, ধ্ৰুব জুৰেল, কে এছ ভৰত, আৰ অশ্বিন, অক্ষৰ পেটেল, ৱাশ্বিংটন সুন্দৰ, কুলদীপ যাদৱ, মহম্মদ ছিৰাজ, মুকেশ কুমাৰ আৰু আকাশ দীপ।
উল্লেখ্য যে, শৃংখলাৰ তৃতীয়খন টেষ্ট ১৫-১৯ ফেব্ৰুৱাৰীলৈ ৰাজকোটত অনুষ্ঠিত হ’ব। ৰাঁচীত ২৩-২৭ ফেব্ৰুৱাৰীলৈ চতুৰ্থখন আৰু অন্তিমখন টেষ্ট ৭-১১ মাৰ্চলৈ ধৰমশালাত অনুষ্ঠিত হ’ব।