গুৱাহাটীৰ বেলতলাৰ অশোক পথত ভয়ংকৰ অগ্নিকাণ্ড সংঘটিত হৈছে। অশোক পথৰ কল্যাণ ভাগৱতী নামৰ এজন লোকৰ বাসগৃহত এই অগ্নিকাণ্ড সংঘটিত হোৱাৰ খবৰ আহিছে।
অগ্নিকাণ্ডত এখন ৱেগনাৰ গাড়ীৰ লগতে এটা চিলিণ্ডাৰ আৰু বহু সামগ্ৰী জুইত জাহ যায়৷
ভাগৱতীৰ বাসগৃহত ভাড়াতীয়া হিচাপে থকা অৰুণ বৰাৰ বাসগৃহৰ পৰা অগ্নিকাণ্ড হোৱাৰ সন্দেহ প্ৰকাশ কৰিছে স্থানীয় লোকে৷
অগ্নিকাণ্ড সংঘটিত হোৱাৰ পিছতে ঘটনাস্থলত আৰক্ষীৰ লোকৰ লগতে অগ্নিনিৰ্বাপক বাহিনী আৰু এছ ডি আৰ এফৰ লোক উপস্থিত হৈ জুই নিৰ্বাপন কৰে।
অগ্নিকাণ্ড সংঘটিত হোৱাৰ সময়ত কন্যাৰ সৈতে আছিল অৰুণ বৰাৰ পত্নী। আনহাতে অগ্নিকাণ্ডৰ সময়ত নাছিল ঘৰটোৰ স্বত্তাধিকাৰী কল্যাণ ভাগৱতী।
চিলিণ্ডাৰৰ পৰা অগ্নিকাণ্ডৰ সূত্ৰপাত হোৱাৰ সন্দেহ প্ৰকাশ কৰা হৈছে যদিও আৰক্ষীৰ তদন্তৰ অন্ততহে প্ৰকৃত সত্য পোহৰলৈ আহিব।