পঞ্চম তথা শৃংখলাৰ অন্তিমখন টেষ্টৰ বাবে ঘোষণা কৰা হৈছে ভাৰতীয় দল। ভাৰত আৰু ইংলেণ্ডৰ মাজত চলি থকা শৃংখলাৰ অন্তিমখন টেষ্ট মেচ অহা ৭ মাৰ্চৰ পৰা ধৰ্মশালাত অনুষ্ঠিত হ’ব।
জ্যেষ্ঠ তথা অভিজ্ঞ বেটছমেন কে এল ৰাহুল পঞ্চম টেষ্টখনতো সুযোগ লাভ কৰা নাই। চতুৰ্থখন টেষ্ট মেচত বিশ্ৰাম লোৱা যশপ্ৰীত বুমৰাহ দললৈ উভতি আহিছে।
বিচিচিআইয়ে প্ৰেছ বিজ্ঞপ্তিত প্ৰকাশ কৰিছে যে ৰঞ্জী ট্ৰফীৰ ছেমি ফাইনেলত অংশ লোৱাৰ বাবে মুকলি কৰি দিছে ৱাশ্বিংটন সুন্দৰক।
উল্লেখ্য যে, ভাৰতীয় দল শৃংখলাত ৩-১ ব্যৱধানত আগবাঢ়ি আছে।
অন্তিম টেষ্টৰ বাবে ঘোষণা কৰা ভাৰতীয় দলটো এনেধৰণৰ
ৰোহিত শৰ্মা (অধিনায়ক), যশপ্ৰীত বুমৰাহ (সহঃঅধিনায়ক), যশস্বী জয়ছোৱাল, শুভমন গিল, ৰজত পাটিদাৰ, ছৰফৰাজ খান, ধ্ৰুৱ জুৰেল (উইকেট ৰক্ষক), কে এছ ভৰত (উইকেট ৰক্ষক), দেৱদত্ত পড়িকল, আৰ অশ্বিন, ৰবীন্দ্ৰ জাদেজা, অক্ষৰ পেটেল, কুলদীপ যাদৱ, ম: ছিৰাজ, মুকেশ কুমাৰ, আকাশ দীপ।