আজি বলিউডৰ জনপ্ৰিয় অভিনেতা গোবিন্দাই যোগদান কৰে একনাথ সিন্দে বাহিনীৰ শিৱসেনা দলত। দলত যোগদান কৰিয়েই অভিনেতাগৰাকীয়ে একনাথ সিন্দেক ধন্যবাদ জ্ঞাপন কৰে।
কৃপা আৰু প্ৰেৰণাৰে দলত যোগদান কৰা বুলি উল্লেখ কৰি তেওঁ কয় যে ২০০৯ চনত যেতিয়া মই ৰাজনীতিৰ পৰা ওলাই আহিছিলো তেতিয়া মই ভবা নাছিলো যে মই পুনৰ ঘূৰি আহিম। কিন্তু এতিয়া একনাথ সিন্দেৰ দললৈ আহিছো।
অভিনেতা গোবিন্দাই কয় যে মোৰ ১৪ বছৰীয়া বনবাসৰ অন্ত পৰিল।
আজি অভিনেতাগৰাকীয়ে মহাৰাষ্ট্ৰৰ মুখ্যমন্ত্ৰী একনাথ সিন্দেৰ উপস্থিতিত যোগদান কৰে।
অভিনেতা গোবিন্দাই কয় যে যদি মই দলত কলা-সংস্কৃতিৰ কিবা কাম কৰাৰ সুযোগ পাও তেন্তে নিশ্চিতভাৱে কৰিম।
ইফালে নিৰ্বাচনত প্ৰতিদ্বন্দ্বিতা কৰাৰ সন্দৰ্ভত গোবিন্দাই কয় যে এই কথা আমাৰ মুখ্যমন্ত্ৰীয়ে সিদ্ধান্ত ল’ব। তেওঁ লগতে মই শিৱাজী আৰু বালা চাহেবৰ আশীৰ্বাদ লাভ কৰা বুলিও উল্লেখ কৰে।