‘এওঁলোকৰ বাবেই মই জে’লৰ পৰা মুক্ত হ’লো।‘ নিৰ্বাচনৰ সময়তে BJP ত ইউটিউবাৰৰ যোগদান

লোকসভা নিৰ্বাচনৰ ভোটগ্ৰহণ চলি থকাৰ মাজতে বিজেপিত যোগ দিলে বিহাৰৰ জনপ্ৰিয় ইউটিউবাৰ মনীষ কাশ্যপে। বিজেপিত যোগ দিয়ে মনীষ কাশ্যপে কয় যে- বিজেপি সাংসদ মনোজ তিৱাৰীয়ে মোক দিল্লীলৈ লৈ আহিছে। এওঁলোকৰ বাবে মই জে’লৰ পৰা মুক্ত হ’লো। এতিয়াৰে পৰা মোৰ বেয়া দিন শেষ হ’ল।

ছন অফ বিহাৰ হিচাপে জনপ্ৰিয় মনীষে বিহাৰত বিজেপিক জনপ্ৰিয় কৰিবলৈ তুলিবলৈ দলটোত যোগদান কৰা বুলি প্ৰকাশ কৰে। লালু পৰিয়ালৰ বিৰুদ্ধে দুৰ্নীতিৰ অভিযোগ তুলি তেওঁ কয় যে- এতিয়াৰে পৰা বিজেপিৰ সৈতে মিলি বিহাৰক অধিক মজবুত কৰিম।

উল্লেখ্য যে ভুৱা ভাইৰেল ভিডিঅৰ গোচৰত যোৱাবৰ্ষত মনীষ কাশ্যপক আৰক্ষীয়ে গ্ৰেপ্তাৰ কৰিছিল। ইউটিউবাৰগৰাকীয়ে প্ৰায় ৯ মাহ জেলত থাকিবলগীয়া হৈছিল।