ডেংগুৰ বাবে বিশ্বকাপৰ প্ৰথম দুখন খেলৰ পৰা বঞ্চিত হৈছিল শুভমন গিল । সেই দুখন খেলৰ পৰা বঞ্চিত নোহোৱা হ’লে শুভমন গিলে ইতিমধ্যে হয়টো গঢ়িলে হেতেন বিশ্ব ৰেকৰ্ড ।
প্রথমবাৰৰ বাবে বিশ্বকাপত, বিশ্ব অভিলেখৰ দুৱাৰ দলিত ৰৈ আছে শুভমন গিল । বাংলাদেশৰ বিৰুদ্ধে আজি হবলগীয়া খেলখনত শুভমনে লাভ কৰিব পাৰে সেই সুযুগ ।
আজি যদি বাংলাদেশৰ বিৰুদ্ধে শুভমন গিলে ৬৭ ৰাণ সংগ্ৰহ কৰে, তেন্তে এদিনীয়া ক্ৰিকেটত দ্ৰুতগতিত ২০০০ ৰাণ সংগ্ৰহৰ অভিলেখ স্থাপন হ’ব গিলৰ নামত । দক্ষিণ আফ্ৰিকাৰ প্ৰাক্তন ক্ৰিকেটাৰ হাছিম আমলাৰ নামত থকা অভিলেখ ভংগ কৰিবলৈ সক্ষম হ’ব । এদিনীয়া ক্ৰিকেটত আমলাৰ নামত আছে দ্ৰুত গতিত ২০০০ ৰাণ সংগ্ৰহৰ অভিলেখ ।
শুভমন গিলে এতিয়ালৈকে ৩৬ খন এদিনীয়া খেলত ১৯৩৩ ৰাণ সংগ্ৰহ কৰিছে। ইয়াৰ ভিতৰত আছে ৭ টা শতক, ৯ টা অৰ্ধ-শতক আৰু সৰ্বাধিক ২০৮ ৰাণ । ভাৰতীয় অপেনাৰজনে আজি বাংলাদেশৰ বিৰুদ্ধে অনুষ্ঠিত খেলখনতে এই অভিলেখ গঢ়াৰ সম্ভাৱনা আছে ।
