আজি গুৱাহাটীৰ বৰ্ষাপাৰা স্টেডিয়ামত অনুষ্ঠিত হব ভাৰত আৰু অষ্ট্ৰেলিয়াৰ মাজত তৃতীয় খন টি ২০ । সন্ধিয়া ৭ বজাৰ পৰা বৰ্ষাপাৰাৰ অসম ক্ৰিকেট সন্থাৰ ষ্টেডিয়ামত হব ভাৰত-অষ্ট্ৰেলিয়াৰ পাঁচখন খেলৰ শৃংখলাৰ আজিৰ তৃতীয় খন খেল । ভাৰত-অষ্ট্ৰেলিয়াৰ টি-২০ৰ প্ৰথমখন মেচত ভাৰতে ২ উইকেটত জয়লাভ কৰে আৰু দ্বিতীয়খন মেচত ভাৰত ৪৪ ৰানত জয়লাভ কৰি ২-০ ত আগবাঢ়ি আছে। পাঁচখন খেলৰ শৃংখলাত ২-০ গ’লত অগ্ৰগতি লাভ কৰাৰ পাছত ভাৰতে আজি শৃংখলা দখলৰ বাবে চেষ্টা চলাব।
সূৰ্যকুমাৰ যাদৱৰ নেতৃত্বত টি ২০ ৰ টিম ইণ্ডিয়াত আছে , শ্ৰেয়াছ আয়াৰ ( উপ অধিনায়ক), ঈশান কিষাণ, যশস্বী জয়ছৱাল, তিলক বৰ্মা, ৰিংকু সিং, জিতেশ শৰ্মা (উইকেট কিপাৰ), ৱাশ্বিংটন সুন্দৰ, অক্ষৰ পেটেল, শিৱম ডুবে, ৰবি বিষ্ণোই, আৰ্শদীপ সিং, প্ৰসিদ্ধ কৃষ্ণ আৰু মুকেশ কুমাৰ।
ইফালে মেথিউ ৱেডৰ নেতৃত্বত অষ্ট্ৰেলিয়া দলত আছে , মেথিউ শ্বৰ্ট, এৰন হাৰ্ডি, জেছন বেহৰেণ্ডৰ্ফ/ শ্বেন এবট, টিম ডেভিড, নাথান এলিছ, ট্ৰেভিছ হেড, জোছ ইংলিছ, গ্লেন মেক্সৱেল, টানবীৰ সংঘ, মেট শ্বৰ্ট, ষ্টিভ স্মিথ, মাৰ্কাছ ষ্ট’ইনিছ, কেন ৰিচাৰ্ডছন আৰু এডাম জাম্পা ।
