মাজ সাগৰত ডুবিল যাত্ৰীভৰ্তি জাহাজ। এই ভয়ংকৰ দুৰ্ঘটনাটোত নিহত ৬১ গৰাকী যাত্ৰী নিহত হৈছে। মৃতসকলৰ ভিতৰত মহিলা আৰু শিশুও আছে।লিবিয়াত সংঘটিত হৈছে এই ঘটনাটো। দুৰ্ঘটনাৰ সময়ত জাহাজখনত প্ৰায় ৮৬ গৰাকী যাত্ৰী আছিল।লিবিয়াৰ পৰা জাৱাৰা চহৰৰ পৰা ইউৰোপ অভিমুখে গৈ থকা সময়তে সংঘটিত হয় এই দুৰ্ঘটনাটো।জাহাজত অধিকাংশ ইজিপ্ত, ছিৰিয়া আৰু পাকিস্তানৰ নাগৰিক আছিল।
উল্লেখ্য যে আফ্ৰিকা আৰু মধ্য প্ৰাচ্যৰ দেশৰ লোকসকলে যুদ্ধ আৰু অস্থিৰতাৰ পৰা পৰিত্ৰাণ পাবলৈ লিবিয়া হৈ ইউৰোপলৈ বিপজ্জনকভাৱে যাত্ৰা কৰে। যাৰ ফলত প্ৰায়ে এনেধৰণৰ কৰুণ ঘটনা সংঘটিত হয়।
