আই পি এলৰ নীলামত ইতিহাসত সৃষ্টি কৰিলে অষ্ট্ৰেলিয়াৰ বিশ্বকাপ বিজয়ী অধিনায়ক পেট কামিন্সে । পেট কামিন্সক ছানৰাইজাৰ্ছ হায়দৰাবাদে ২০ কোটি ৫০ লাখ টকাত ক্ৰয় কৰে ।আই পি এলৰ ইতিহাসত আটাইতকৈ দামী খেলুৱৈ হিচাপে পৰিগণিত হয় পেট কামিন্স। পেট কামিন্সক ক্ৰয়ৰ বাবে ছানৰাইজাৰ্ছ হায়দৰাবাদ আৰু ৰয়েল চেলেঞ্জাৰছ বেংগালুৰৰ মাজত তীব্ৰ যুজ হৈছিল ।
অষ্ট্ৰেলিয়া ক্ৰিকেট দলৰ অধিনায়ক পেট কামিন্সৰ নেতৃত্বত অষ্ট্ৰেলিয়াই এদিনীয়া বিশ্বকাপ জয় কৰিবলৈ সক্ষম হৈছিল। অষ্ট্ৰেলিয়াই এদিনীয়া বিশ্বকাপৰ ফাইনেলত ভাৰতক পৰাস্ত কৰি বিশ্বকাপ দখল কৰাৰ পাছত এতিয়া সকলোকে আচৰিত কৰি পেট কামিন্স আই পি এলৰ ইতিহাসৰ আটাইতকৈ ব্যয়বহুল খেলুৱৈ হিচাপে পৰিগণিত হৈছে।
উল্লেখ্য যে , আজি অনুষ্ঠিত নীলামত ২ কোটি টকাৰ পৰা আৰম্ভ হৈছিল পেট কামিন্সৰ দৰ ।
