নৱবৰ্ষৰ প্ৰথম দিনটোতেই পুনৰ উত্তপ্ত মণিপুৰ। ১ জানুৱাৰীৰ নিশা ৪ জন লোকক গুলীয়াই হত্যা। দুৰ্বৃত্তৰ গুলীত আহত অন্য ৫ জন লোক। থৌবাল জিলাত এই গুলীচালনাৰ ঘটনা। গুলীচালনাৰ পাছতেই উত্তেজিত লোকে জ্বলালে কেইবাখনো যান-বাহন।ইয়াৰ পাছতেই মণিপুৰৰ ৫ খন জিলাত ঘোষণা কৰা হৈছে কাৰ্ফিউ। এতিয়ালৈ বন্ধুকধাৰী আক্ৰমণকাৰীক চিনাক্ত কৰিব পৰা নাই আৰক্ষীয়ে।
এই ঘটনাক সমালোচনা কৰি মুখ্যমন্ত্ৰী এন বীৰেন সিঙে এক ভিডিঅ’ বাৰ্তাযোগে ৰাজ্যবাসীক আইন-শৃংখলা বৰ্তাই ৰাখিবলৈ আহ্বান জনাইছে। আক্ৰমণকাৰীক শীঘ্ৰেই কৰায়ত্ব কৰি কঠোৰ শাস্তি দিয়া হব বুলি আশ্বাস প্ৰদান কৰিছে মুখ্যমন্ত্ৰীগৰাকীয়ে।
