পুনৰ বিবাহত বহিল ছানিয়া মিৰ্জাৰ স্বামী শ্বোৱেব মালিক, চলিছিল বিবাহ বিচ্ছেদৰ উৰাবাতৰি । ISHAN NEWS…

১৩ বছৰৰ পূৰ্বে পাকিস্তানী ক্ৰিকেটাৰ শ্বোৱেব মালিকৰ সৈতে বিয়াত বহিছিল ভাৰতীয় টেনিছ তাৰকা ছানিয়া মিৰ্জা। কিছুদিনৰ পৰা দুয়োৰে বিবাহ বিচ্ছেদৰ উৰাবাতৰি চলি থকাৰ সময়তে শ্বোৱেবে নিজে ঘোষণা কৰিলে বিয়াৰ কথা। পাকিস্তানী অভিনেত্ৰী ছানা জাভেদৰ সৈতে বিবাহপাশত আৱদ্ধ হয় শ্বোৱেব মালিক।২০১০ চনত ছানিয়া আৰু শ্বোৱেবৰ বিবাহ হৈছিল। তেওঁলোকৰ এটি পুত্ৰ সন্তান আছে।বুধবাৰে ছানিয়াই শ্বেয়াৰ কৰা এটা পোষ্টত বিচ্ছেদৰ ইংগিত পোৱা গৈছিল।তাৰ দুদিন পূৰ্বে টেনিছ তাৰকাগৰাকীয়ে ছ’চিয়েল মিডিয়াৰ পৰা শ্বোৱেবৰ সকলো ছবি ডিলিট কৰিছিল। কিছুদিন আগলৈকে শ্বোৱেবৰ ইনষ্টাগ্ৰাম বায়’ত ছানিয়াৰ স্বামী হিচাপে লিখা আছিল। বৰ্তমান ছানিয়াৰ কোনো ছবি নাই। অৱশ্যে পুত্ৰ ইজাহানৰ সৈতে বহু ছবি দেখা গৈছে।