১ মিনিটত ১ কোটি টকা পাৰিশ্ৰমিক বিচৰা কোন এইজন অভিনেতা? নতুন ছবিত বিশেষ চৰিত্ৰত দেখা পাব অভিনেতাজনক। ISHAN NEWS…

এক বিশেষ ৰূপত ডাঙৰ পৰ্দালৈ ঘূৰি আহিব দক্ষিণৰ প্ৰবীণ অভিনেতা ৰজনীকান্ত। কন্যা ঐশ্বৰ্য ৰজনীকান্তৰ ‘লাল চালাম’ ছবিত এক গুৰুত্বপূৰ্ণ ভুমিকাত দেখা যাব অভিনেতাগৰাকীক। ৰজনীকান্তক পুনৰ ডাঙৰ পৰ্দাত চাবলৈ আগ্ৰহী অনুৰাগীসকল।ছবিখনৰ শ্বুটিং আৰম্ভ হৈছিল যোৱা বছৰৰ মাজভাগৰ পৰা।প্ৰচাৰৰ আৰম্ভণিৰ পৰাই ছবিখনে প্ৰশংসা লাভ কৰি আহিছে।১৬৩ মিনিটৰ এই ছবিখনত ৩০-৪০ মিনিট পৰ্দাত উপস্থিত থাকিব ৰজনীকান্ত। কন্যাৰ চিনেমা হ’লেও পাৰিতোষিকৰ ক্ষেত্ৰত আপোচ কৰা নাছিল ৰজনীকান্তে। শ্বুটিঙৰ প্ৰতিটো মিনিটৰ বাবে ১ কোটি টকা মাছুল লৈছিল তেওঁ। ৰজনীকান্তৰ পাৰিশ্ৰমিকে যে আকাশ স্পৰ্শ কৰিব সেয়া অজ্ঞাত নহয়।দক্ষিণৰ চিনেমা উদ্যোগক বিশ্ব দৰবাৰলৈ অনাত ৰজনীকান্তৰ পৰ্দাৰ আঁৰৰ অৱদান অনশ্বীকাৰ্য। তেওঁক অভিনেতা হিচাপে পাবলৈ ছবি নিৰ্মাতাসকলে বাজেট বৃদ্ধি কৰিবলগীয়া হোৱাটো স্বাভাৱিক।পৰ্দাৰ সময় কম হ’লেও ৰজনীকান্ত ই এই ছবিখনৰ পৰা মুঠ ৪০ কোটি টকাৰ পাৰিশ্ৰমিক লাভ কৰিছিল। ছবিখনৰ সংগীত পৰিচালনা কৰিছে এ আৰ ৰহমানে।