আম্বানী পৰিয়ালত আৰু এখন বিয়া ! অতিথিৰ তালিকাই বঢ়াইছে উৎকণ্ঠা।বিয়াৰ আয়োজন কেনেকুৱা? ishan news
১ মাৰ্চৰ পৰা ৩ মাৰ্চলৈ আম্বানীৰ জামনগৰৰ বাসগৃহত অনুষ্ঠিত হ’ব অনন্ত আম্বানী-ৰাধিকা মাৰ্চেন্টৰ প্ৰাক-বিবাহ অনুষ্ঠান।এই বিশাল আয়োজন,উদযাপনত দেশ-বিদেশৰ বহু তাৰকাই অংশগ্ৰহণ কৰিব।২০২২ চনৰ ডিচেম্বৰ মাহত ভাৰতৰ ৰিলায়েন্সৰ চিইঅ’ মুকেশ আম্বানীৰ কনিষ্ঠ পুত্ৰ অনন্ত আম্বানী আৰু এংকৰ হেল্থকেয়াৰৰ চিইঅ’ বিনোদ মাৰ্চেন্টৰ কন্যা ৰাধিকা মাৰ্চেন্টৰ বাগদান হয়। অনন্ত ৰাধিকাৰ বিয়া চলিত বৰ্ষৰ জুলাই মাহত। ইতিমধ্যে তেওঁলোকৰ ‘প্ৰি-ৱেডিং’ অনুষ্ঠানৰ প্ৰস্তুতি আৰম্ভ হৈছে।খবৰ অনুসৰি মাইক্ৰচফ্টৰ চিইঅ’ বিল গেটছ, মেটাৰ চিইঅ’ মাৰ্ক জুকাৰবাৰ্গ,ব্লেকৰকৰ চিইঅ’ লেৰী ফিংক,ডিজনীৰ চিইঅ’ বব ইগাৰ,এড’বৰ চিইঅ’ শান্তনু নাৰায়ণ,ড’ণাল্ড ট্ৰাম্পৰ কন্যা ইভাংকা ট্ৰাম্প,বেংক অব আমেৰিকাৰ চেয়াৰমেন ব্ৰায়ান থমাছ ময়নিহান, ভূটানৰ ৰজা ৰাণী,আৰু বহু অতিথিয়ে অংশগ্ৰহণ কৰিব প্ৰাক বিবাহ অনুষ্ঠানত। অনুষ্ঠানত বলিউডৰ অভিনেতা অভিনেত্ৰী সকলো উপস্থিত থাকিব। ৰণবীৰ আৰু আলিয়া ভাটে নৃত্য প্ৰদৰ্শন কৰিব।ৰাধিকা আৰু অনন্ত ই সৰুৰে পৰাই চিনাকি আছিল। অনন্তক প্ৰায়ে ৰাধিকাৰ সৈতে বিভিন্ন অনুষ্ঠানত দেখা গৈছিল। কিন্তু প্ৰিয়ংকা চোপ্ৰা আৰু নিক জোনাচৰ বিবাহৰ পিছতে অনন্ত-ৰাধিকাৰ বিবাহৰ জল্পনা কল্পনা অধিক হৈ পৰিছিল।যোধপুৰত প্ৰিয়ংকা নিকৰ বিয়াতো আম্বানী পৰিয়ালৰ সৈতে উপস্থিত আছিল ৰাধিকা।ৰাধিকাই আম্বানী পৰিয়ালৰ সৈতে মুম্বাইত দীপিকা আৰু ৰণবীৰ সিঙৰ অভ্যৰ্থনা অনুষ্ঠানতো অংশ লয়।
