ডব্লিউ ডব্লিউ ই (WWE)ৰ অন্যতম পৰিচিত নাম ব্ৰক লেছনাৰ আৰু দ্য গ্ৰেট খালি। ব্ৰক লেছনাৰ এতিয়াও সক্ৰিয় হৈ থকাৰ বিপৰীতে WWEৰ পৰা অৱসৰ গ্ৰহণ কৰিছে খালিয়ে।
ব্ৰকে ৰিঙত আণ্ডাৰটেকাৰ, ট্ৰিপল এইচ আৰু জন চিনাৰ দৰে কিংবদন্তিক পৰাস্ত কৰাৰ বিপৰীতে খালিয়েও আণ্ডাৰটেকাৰ, কেন, বিগ শ্ব, জন চিনাৰ দৰে খেলুৱৈক পৰাস্ত কৰাৰ কৃতিত্ব অৰ্জন কৰি থৈছে।
কিন্তু এই দুজন মল্লযুঁজাৰুৰ ভিতৰত কোনজন মল্লযুঁজাৰু আটাইতকৈ ধনী সেই কথা জানিবলৈ সদায়েই উদগ্ৰীৱ হৈ থাকে অনুৰাগী। সেয়ে আজি জানো আহক এই দুগৰাকী মল্লযুঁজাৰুৰ সম্পত্তি।
শেহতীয়া এক প্ৰতিবেদন অনুসৰি ব্ৰক লেছনাৰ হৈছে WWE ৰ অন্যতম ব্যয়বহুল ছুপাৰষ্টাৰ। তেওঁৰ সম্পত্তিৰ পৰিমাণ প্ৰায় ২৮ মিলিয়ন ডলাৰ। ভাৰতীয় টকাত প্ৰায় ২২০ কোটি টকা। WWE মল্লযুঁজাৰু হোৱাৰ উপৰি ব্ৰক লেছনাৰ এজন অভিনেতাও। তেওঁ হলিউডৰ বহু ছবিত কাম কৰিছে। ইয়াৰ উপৰি তেওঁ ব্ৰেণ্ড এণ্ডাৰছমেণ্টৰ পৰাও কোটি কোটি উপাৰ্জন কৰে।
ব্ৰক লেছনাৰৰ বিপৰীতে খালিৰ উপাৰ্জন যথেষ্ট কম। আই বি টাইমছৰ এক প্ৰতিবেদন অনুসৰি খালিৰ সম্পত্তিৰ পৰিমাণ প্ৰায় ৬০ লাখ ডলাৰ। অৰ্থাত প্ৰায় ৪৯ কোটি টকা।
২০১৪ চনত তেওঁ শেষবাৰৰ বাবে WWEত যুঁজিছিল। ভাৰতলৈ অহাৰ পিছত তেওঁ নিজাকৈ এখন মল্লযুঁজৰ একাডেমী খুলিছে। তেওঁ যুৱক-যুৱতীসকলক মল্লযুঁজৰ প্ৰশিক্ষণ দিয়ে।
উল্লেখ্য যে, খালি আৰু ব্ৰক লেছনাৰে WWEত কেতিয়াও মুখামুখি হোৱা নাই। ব্ৰক লেছনাৰে WWE ত খোপনি পতাৰ সময়তে খালিয়ে WWE এৰিছিল। অৱশ্যে বিভিন্ন সময়ত খালিয়ে WWE ৰ বিশেষ অনুষ্ঠানত উপস্থিত থাকে।
