বিশ্বৰ কেইবাখনো দেশৰ মাজত যুদ্ধসদৃশ পৰিৱেশ। মধ্যপ্ৰাচ্যত যুদ্ধৰ দামামা। ইয়াৰ মাজতে আমেৰিকাৰ সেনাৰ শিবিৰত ভয়ংকৰ আক্ৰমণ। ছিৰিয়াত থকা মাৰ্কিন সেনাৰ শিবিৰত ৫টাকৈ ৰকেটেৰে আক্ৰমণৰ খবৰে চৰ্চা লাভ কৰিছে ৰাষ্ট্ৰীয়-আন্তঃৰাষ্ট্ৰীয় সংবাদ মাধ্যমত। ইৰাকৰ পৰা সংঘটিত কৰা হৈছে এই আক্ৰমণ।ইৰাকৰ প্ৰধানমন্ত্ৰী মহম্মদ অল সুদানীয়ে মাৰ্কিন ৰাষ্ট্ৰপতি জ’ বাইডেনক সাক্ষাত্ কৰি আমেৰিকাৰ পৰা স্বদেশলৈ ওলোটাৰ এদিন পিছতেই এই আক্ৰমণৰ ঘটনা।
প্ৰকাশিত খবৰ অনুসৰি ছিৰিয়াৰ সীমাত থকা ইৰাকৰ জুম্মাৰ চহৰৰ পৰা এখন ট্ৰাকত ৰকেট লঞ্চাৰ সংস্থাপিত কৰি ৫টাকৈ ৰকেটেৰে আক্ৰমণ চলায়। আমেৰিকাৰ এয়াৰ ষ্ট্ৰাইকত এই ট্ৰাকখন ভস্মীভূত হোৱা বুলি প্ৰকাশ কৰা হৈছে।
