BCCI ৰ এটা ঘোষণা।তাৰ পাছতেই দেশজুৰি চৰ্চা অসম সন্তান ৰিয়ান পৰাগক লৈ।৭৭ বছৰৰ অন্তত ভাৰতীয় দলত এগৰাকী অসম সন্তানৰ স্থানক লৈ অসমবাসী গৌৰৱান্বিত।জিম্বাৱ’ৱে ভ্ৰমণৰ ভাৰতীয় দলত স্থান লাভ খেলুৱৈগৰাকীৰ। নেটিজেনৰ মাজতো ব্যাপক চৰ্চা।একাংশই অৱশ্যে সমালোচনাৰে থকাসৰকা কৰিছে খেলুৱৈ গৰাকীক।কিন্তু ইয়াৰ পূৰ্বেও ৰিয়ান পৰাগৰ ইতিপূৰ্বে তেওঁৰ দেখুওৱা খেলৰ প্ৰদৰ্শন বা তেওঁ কৰা মন্তব্যক লৈও একাংশই চৰ্চা বা সমালোচনা কৰিছিল।কিন্তু সেই সমালোচনাক চেৰ পেলাই আগুৱাই গৈছে ৰিয়ান পৰাগ।মাতৃ মিঠু বৰুৱাই কলে, ‘ৰিয়ানে সৰুৰেপৰা ডাঙৰৰ প্ৰতি সন্মান প্ৰদৰ্শন কৰি আহিছে,ডাঙৰে কিবা কলে সি মনোযোগেৰে শুনে।আজি এই অভ্যাসটোৱে তাক এই পৰ্যায়লৈ লৈ গৈছে,মাতৃ হিচাপে মই সুখী’।শেহতীয়াকৈ ৰিয়ানে দেখুওৱা পাৰদৰ্শিতাৰ তালিকাত আছে আই পি এল ২০২৪ ত ৰিয়ানে চাৰিটা অৰ্ধশতক লোৱাৰ উপৰিও ৰাজস্থান ৰয়েলছৰ টপ স্ক’ৰাৰ হিচাপেও স্বীকৃতি লাভ কৰিছে ৰিয়ান পৰাগে।এগৰাকী অসম সন্তানৰ এই সাফল্যই অসমবাসীক সুখী কৰিছে। অনাগত সময়ত খেলুৱৈ গৰাকীৰ কেৰিয়াৰত আগুৱাই যোৱাৰ ক্ষেত্ৰত সকলোৰে শুভাসা সদায়েই কাম্য।
