নিউজ ডেস্ক, ২৬ অক্টোবৰঃ অগ্নিকাণ্ডত মৃত্যু হল একেটা ঘৰতে থকা চাৰিগৰাকী । হাৰিয়ানাৰ গুৰুগ্ৰামৰ সৰস্বতী এনক্লেভত সংঘটিত হৈছে এই ঘটনা । শনিবাৰে পুৱা প্ৰায় ১২:১৫ বজাত অগ্নিকাণ্ডটো সংঘটিত হোৱাৰ লগেলগে আৰক্ষীৰ লোক উক্ত স্থানত উপস্থিত হয় । অগ্নিনিৰ্বাপক বাহিনী আৰু এম্বুলেন্সকো মাতি অনা হয় ঘটনাস্থলীলৈ ।
নিহত আটাইকেইগৰাকী লোক বিহাৰৰ বুলি আৰক্ষীয়ে জানিবলৈ দিছে । শ্বৰ্ট ছাৰ্কিটৰ পৰাই অগ্নিকাণ্ডটোৰ সূত্ৰপাত হোৱা আৰক্ষীয়ে সন্দেহ প্ৰকাশ কৰিছে । মৃত্যু হোৱা এগৰাকী কিশোৰৰ পিতৃয়ে জানিবলৈ দিয়া কোঠাৰ পৰা শব্দ আহি আছিল। যেতিয়া বলপূৰ্বকভাৱে দৰ্জাখন খোলাৰ পিচতে ধোঁৱা ওলাই আহিছিল । এই ঘটনাত কোঠাটোত থকা এজনো লোক জীৱিত হৈ নাথিল ।
মৃত্যু হোৱা এগৰাকীৰ আত্মীয়ই কয়, “দুজন মোৰ ডাঙৰ ভাইটিৰ সন্তান আৰু এজন মোৰ সৰু ভাইটিৰ ল’ৰা । মুঠ চাৰিজন লোক আছিল । সকলো এটা কোঠাতে আছিল ।”
