জীৱনৰ এক নতুন অধ্যায় আৰম্ভ আমিৰ খানৰ কন্যা ইৰা খানৰ। ফিটনেছ প্ৰশিক্ষক নুপূৰ শিখৰৰ সৈতে বিবাহপাশত আৱদ্ধ হ’ব ইৰা খান। মুম্বাইৰ বান্দ্ৰাৰ তাজ লেণ্ডছ এণ্ড হোটেলত সন্ধিয়া ৭ বজাত আৰম্ভ হ’ব বিবাহ অনুষ্ঠান।
দম্পতীটোৰ বিবাহৰ পূৰ্বৰ অনুষ্ঠান উদযাপনৰ ভিতৰত মঙলবাৰে হালধি অনুষ্ঠান আৰু নতুন বছৰৰ আৰম্ভণিত এক অনুষ্ঠান অনুষ্ঠিত হৈছিল য’ত পৰিয়ালৰ সদস্য আৰু ঘনিষ্ঠ বন্ধুসকলে অংশগ্ৰহণ কৰিছিল।
ব্যক্তিগত বিবাহৰ পিছতে আদালতত বিবাহ অনুষ্ঠিত হ’ব। ৰাজস্থানৰ জয়পুৰত এক অভ্যৰ্থনাৰ আয়োজন কৰা হ’ব, য’ত বলিউদৰ তাৰকাসকল উপস্থিত থকাৰ সম্ভাৱনা আছে।
সোমবাৰে সন্ধিয়া,আমিৰৰ বাসগৃহ পোহৰেৰে সজ্জিত কৰা হৈছিল। ইৰাৰ মাতৃ ৰীনাৰ ঘৰো ফুল আৰু পোহৰেৰে সজোৱা হৈছিল। বিবাহৰ পূৰ্বৰ উৎসৱত অতিথিসকলে পৰম্পৰাগত মহাৰাষ্ট্ৰীয় ৰীতি-নীতিত অংশগ্ৰহণ কৰিছিল আৰু তাৰপিছত এক অন্তৰংগ নৈশ ভোজৰ আয়োজন কৰা হৈছিল। আমিৰ খানৰ প্ৰাক্তন পত্নী কিৰণ ৰাওৱেও পুত্ৰ আজাদৰ সৈতে বিবাহ অনুষ্ঠানত উপস্থিত থাকে। মাৰাঠী ৰীতি-নীতিৰেই অনুষ্ঠিত হ’ব বিবাহ।
