মনোৰঞ্জনধৰ্মী চেনেল COLORS ত সম্প্ৰচাৰিত ৰিয়েলিটি শ্ব’ ‘DANCE DEEWANE’ চিজন ৪। বিভিন্ন সময়ত এই ৰিয়েলিটি শ্ব’ত অসমৰ পৰা বহু প্ৰতিভাৱান নৃত্যশিল্পীয়ে অংশগ্ৰহণ কৰি গৌৰৱ কঢ়িয়াই আনিছে অসমলৈ।
পুনৰ ‘DANCE DEEWANE’ চিজন ৪ত মৰিগাঁৱৰ সুনীল বৰমাহেলাই অসমক প্ৰতিনিধিত্ব কৰি TOP 15 ত উত্তীৰ্ণ হৈছে। আৰক্ষী বিষয়া দেওৰাম বৰমাহেলাৰ সন্তান সুনীল।
নিজৰ অসাধাৰণ প্ৰতিভাৰে হেজাৰ হেজাৰ দৰ্শকৰ লগতে বিচাৰকৰ মন জয় কৰিবলৈ সক্ষম হৈছে সুনীলে।
মৰিগাঁৱৰ অতি ভিতৰুৱা এটি গ্ৰাম্য অঞ্চলৰ পৰা গৈ ৰাষ্ট্ৰীয় পৰ্য্যায়ৰ ৰিয়েলিটি শ্ব’ত অংশগ্ৰহণ কৰা সুনীল এতিয়া সকলোৰে বাবে প্ৰেৰণাৰ উৎস।
ইতিমধ্যে সুনীলে প্ৰতিযোগিতাৰ TOP 10 ত অৱতীৰ্ণ হব নে নাই সেয়া ভোটিং প্ৰক্ৰিয়াৰ জৰিয়তে জানিব পৰা যাব। ভোটিং প্ৰক্ৰিয়া আজি পুৱা ৯ বজাত সমাপ্ত হৈছে।
সমূহ অসমবাসীৰ লগতে মৰিগাঁওবাসীয়েও এতিয়া ফলাফল দিয়ালৈ অধীৰ আগ্ৰহেৰে বাট চাই আছে।
