জুৰীয়াত ওলাইছে বাঘ, মুক্ত বিচৰণ বাঘৰ। আব্দুল ৰেজ্জাক নামৰ এজন কৃষকক বাঘে চলালে আক্ৰমণ। বৰ্তমানলৈ চাৰিজনকৈ লোকক আক্ৰমণ কৰিছে বাঘটোৱে।
জুৰীয়া আৰক্ষী থানাৰ অন্তৰ্গত পুঠিমাৰিত আব্দুল ৰেজ্জাক নামৰ এজন কৃষকক আক্ৰমণ বাঘটোৰ। লোকজনৰ ঘৰ বলিকটিয়াত বুলি জানিব পৰা গৈছে। এটা প্ৰকাণ্ড ঢেঁকীয়াপতীয়া বাঘে সন্ত্ৰাসৰ সৃষ্টি কৰিছে জুৰীয়াৰ জেঙনী, জাৰামাৰী আদি অঞ্চলত।
বন বিভাগে বাঘটো কৰায়ত্ত কৰিবলৈ চেষ্টা অব্যাহত ৰাখিছে যদিও কৰায়ত্ত কৰিবলৈ সক্ষম হোৱা নাই বাঘটো। এই পৰ্যন্ত চাৰিজনকৈ লোকক আক্ৰমণ কৰিছে বাঘটোৱে। অতি শীঘ্ৰে বাঘটো খেদি পঠিয়াবলৈ বন বিভাগক দাবী জনাইছে স্থানীয় ৰাইজে।
