নিউজ ডেস্ক, ১২ অক্টোবৰঃ শনিবাৰে গুজৰাটত সংঘটিত হ’ল এক শোকাৱহ ঘটনা । গাঁত খান্দি থকাৰ অৱস্থাতে মাটি খহি মৃত্যু হ’ল কমেও পাঁচজন শ্ৰমিকৰ । তদুপৰি আহত হৈছে আন কেবাগৰাকীও শ্ৰমিক ।
শনিবাৰে গুজৰাটৰ মেহছানা জিলাত সংঘটিত হয় এই ঘটনা । জিলা সদৰৰ পৰা প্ৰায় ৩৭ কিলোমিটাৰ নিলগৰ কাদি চহৰৰ সমীপত ঘটনাটো সংঘটিত হয় ।
জানিব পৰা মতে এটা কাৰখানাৰ নিৰ্মাণকাৰ্যত এই অঘটন সংঘটিত হয় । মাটিৰ তলৰ টেংকৰ বাবে কেবাজনো শ্ৰমিকে গাঁত খান্দি থকাৰ সময়তে কোমল মাটি গাঁতটোলৈ সোমাই অহাৰ ফলত জীৱন্তে পোত যায় শ্ৰমিককেইজন ।
ইয়াৰে পাঁচগৰাকী শ্ৰমিকৰ মৃতদেহ উদ্ধাৰ কৰা হৈছে । ইয়াৰ উপৰিও আন তিনি-চাৰিগৰাকী শ্ৰমিকক সমাধিস্থ হোৱাৰ আশংকা কৰা হৈছে । এই সন্দৰ্ভত অব্যাহত আছে অভিযান ।
অধিক বা-বাতৰিৰ বাবে সংযুক্ত হৈ থাকক ঈশান নিউজৰ সৈতে
