নিউজ ডেস্ক, ১৩ অক্টোবৰঃ ইটোৰ পিচত সিটো ৰে’ল দুৰ্ঘটনাই জোঁকাৰি গৈছে দেশ । প্ৰাণ হেৰুৱাইছে বহু লোকে, আহত হৈছে বহু লোক । সঘনাই সংঘটিত হোৱা ৰে’ল দুৰ্ঘটনাৰ বাবে সমালোচনাৰ সন্মুখীন হৈছে ৰে’লমন্ত্ৰী অশ্বিনী বৈষ্ণৱ ।
শনিবাৰেও তামিলনাডুত ৰে’লৰ দুটা দবাত অগ্নিকাণ্ড সংঘটিত হোৱাৰ উপৰিও ১৩টা দবা ৰে’লপথৰ পৰা আঁতৰি যায় । এই ঘটনাৰ প্ৰতিক্ৰিয়া প্ৰকাশ কৰিবলৈ গৈ উদ্ভট মন্তব্য কৰিলে এগৰাকী কেন্দ্ৰীয় মন্ত্ৰীয়ে ।
মহীশূৰ-দৰভংগা বাগমতী এক্সপ্ৰেছ দুৰ্ঘটনাৰ সন্দৰ্ভত কেন্দ্ৰীয় মন্ত্ৰী লালন সিঙৰ মন্তব্য- “ৰে’ল দুৰ্ঘটনা হৈয়েই থাকে । আপোনালোকে দেখা নাই! কিছুমান লোকে ট্ৰেকত কিবাকিবি ৰাখি দিয়ে । জানি-বুজি দুৰ্ঘটনা কৰোৱায় ।”
এগৰাকী কেন্দ্ৰীয় মন্ত্ৰীৰ এনে তৰল মন্তব্যই এতিয়া সৰ্বত্ৰে প্ৰতিক্ৰিয়াৰ সৃষ্টি কৰিছে ।
অধিক বা-বাতৰিৰ বাবে সংযুক্ত হৈ থাকক ঈশান নিউজৰ সৈতে
