কানাডাৰ ভেংকুৱাৰৰ সমীপৰ চিল্লিৱেকত সংঘটিত হৈছে বিমান দুৰ্ঘটনা। এই বিমান দুৰ্ঘটনাটোত দুজন ভাৰতীয় প্ৰশিক্ষাৰ্থী পাইলটসহ তিনিজন লোকৰ মৃত্যু হয়।
স্থানীয় সংবাদ মাধ্যমত প্ৰকাশিত বাতৰি অনুসৰি, বিমানখনে গছত খুন্দিওৱাৰ ফলত এই দুৰ্ঘটনাটো সংঘটিত হয়।
দুৰ্ঘটনাত মৃত্যু হোৱা ভাৰতীয় পাইলট দুজনৰ নাম অভয় গাদৰু আৰু যশ বিজয় ৰামুগাড়ে বুলি চিনাক্ত কৰিছে। দুয়োগৰাকী পাইলট মুম্বাইৰ বাসিন্দা আছিল।
দুৰ্ঘটনাৰ খবৰ পোৱাৰ পিছতে স্থানীয় বিষয়াসকলে ঘটনাস্থলত উপস্থিত হৈ তদন্ত আৰম্ভ কৰিছে।
কানাডা আৰক্ষীয়ে এক বিবৃতিত কয়, ‘দুৰ্ঘটনাস্থলী পৰিদৰ্শন কৰা হৈছে আৰু অঞ্চলটোত কোনো ধৰণৰ হতাহতি বা মানুহৰ বাবে কোনো ধৰণৰ বিপদৰ খবৰ পোৱা নাই। পাইপৰ পি এ-৩৪ চেনেকা নামৰ এখন সৰু দুটা ইঞ্জিনযুক্ত বিমানত এই দুৰ্ঘটনা সংঘটিত হয়।‘
