ধুবুৰী জিলাৰ বিলাসীপাৰাৰ বৰুৱাপাৰা মকৰাপাৰাত সংঘটিত হৈছে ভয়ংকৰ দুৰ্ঘটনা। দুৰ্ঘটনাটোত বাইকত অহা এজন যুৱকৰ মৃত্যু হোৱা বুলি জানিব পৰা গৈছে।
নিহত বাইক চালকজন শশাৰগাঁৱৰ নিবাসী প্ৰনৱ জ্যোতি নাথ(১৯) বুলি চিনাক্ত কৰিছে।
দুৰ্ঘটনাৰ প্ৰকৃত কাৰন এতিয়াও স্পষ্ট হোৱা নাই যদিও দ্ৰুত গতিৰে ডাম্পাৰৰ লগত খুন্দা মৰাৰ সন্দেহ প্ৰকাশ কৰিছে সাধাৰণ লোকে।
ইফালে গোৱালপাৰা জিলাৰ দুধনৈতো সংঘটিত হৈছে এক শোকাৱহ দুৰ্ঘটনা। অচিনাক্ত বাহনৰ খুন্দাত থিতাতে নিহত হয় স্কুটী আৰোহী।
অচিনাক্ত বাহনৰ খুন্দাত নিহত হোৱা যুৱকজন কৃষ্ণাইৰ শালপাৰাৰ ৰাহুল ৰাভা বুলি চিনাক্ত কৰা হৈছে। দুৰ্ঘটনাটো সংঘটিত কৰিয়েই ঘটনাস্থলৰ পৰা পলায়ন কৰে অচিনাক্ত বাহনখন।
ইফালে ঘটনাস্থলীত স্থানীয় আৰক্ষীৰ এটা দল উপস্থিত হৈ মৃতদেহসহ স্কুটীখন উদ্ধাৰ কৰে মৃতদেহ মৰণোত্তৰ পৰীক্ষাৰ বাবে প্ৰেৰণ কৰে।
দুধনৈৰ লেঠেংপাৰাৰ ১৭নং ৰাষ্ট্রীয় ঘাইপথত সংঘটিত হয় এই পথ দুৰ্ঘটনা।
