নিউজিলেণ্ডৰ বিৰুদ্ধে অনুষ্ঠিত বিশ্বকাপৰ আজি অনুষ্ঠিত খেলখনত মহম্মদ স্বামীয়ে প্ৰথম বলটোতে উইল ইয়ংক বলেৰে ভাৰতক সফলতা প্ৰদান কৰে। এই উইকেটৰ জৰিয়তে , ছামীয়ে বিশ্বকাপত ৩২ টা উইকেট দখল কৰি এক বিশেষ অভিলেখ গঢ়িবলৈ সক্ষম হয় ।
বিশ্বকাপৰ ইতিহাসত ছামী ভাৰতৰ হৈ তৃতীয় সৰ্বাধিক উইকেট সংগ্ৰহকাৰী হিচাপে পৰিগণিত হয়। ছামীয়ে আজি দখল কৰা উইকেটৰ জৰিয়তে অনিল কুম্বলেক অতিক্ৰম কৰিবলৈ সক্ষম হয় । অনিল কুম্বলে বিশ্বকাপ কেৰিয়াৰত ৩১ টা উইকেট দখল কৰিছিল । ছামী এতিয়া আগবাঢ়ি আছে কুম্বলেতকৈ ।এদিনীয়া বিশ্বকাপত ভাৰতৰ হৈ সৰ্বাধিক উইকেট সংগ্ৰহ কৰিছে জাহিৰ খানে । জাহিৰে এদিনীয়া বিশ্বকাপত ৪৪ টা উইকেট দখল কৰিছিল।
ছামীয়ে বিশ্বকাপত তেওঁৰ প্ৰথমখন খেল খেলি আছে। এনে পৰিস্থিতিত, ছামীয়ে প্রথম বলত উইকেট লৈ পুনৰ প্ৰমাণ কৰিলে দলত তেওঁৰ গুৰুত্বতা। ছাৰ্দুল ঠাকুৰৰ পৰিৱৰ্তে আজি খেলিবলৈ সুযুগ লাভ কৰিছিল ছামীয়ে ।
আনহাতে, সূৰ্য কুমাৰ যাদৱে আজি ভাৰতীয় একাদশত স্থান লাভ কৰিছে । নিউজিলেণ্ডৰ বিৰুদ্ধে খেলখনত ভাৰতৰ অধিনায়ক ৰোহিত শৰ্মাই টছত জয়ী হৈ প্ৰথমে ফিল্ডিং কৰাৰ সিদ্ধান্ত লয়।
