মধ্যপ্ৰদেশত মুখ্যমন্ত্ৰীৰ পদ কোনে লাভ কৰিব এই বিষৰে কেইবাদিনো ধৰি চলা চাচপেন্সৰ আজি অন্ত পৰে । অৱশেষত মধ্যপ্ৰদেশে মুখ্যমন্ত্ৰী হিচাপে লাভ কৰিলে নতুন মুখ্যমন্ত্ৰী।বিজেপিৰ বিধায়িনী দলৰ বৈঠকত শিৱৰাজ সিং চৌহান চৰকাৰৰ শিক্ষামন্ত্ৰী মোহন যাদৱক পৰৱৰ্তী মুখ্যমন্ত্ৰী হিচাপে নিৰ্বাচিত কৰা হয়।
মোহন যাদৱ উজ্জেয়ন দক্ষিণৰ বিধায়ক। শিৱৰাজ সিং চৌহান চৰকাৰত শিক্ষামন্ত্ৰীৰ দায়িত্ব পালন কৰিছিল ডঃ মোহন যাদৱে । একেৰাহে তৃতীয়বাৰৰ বাবে বিধানসভাৰ নিৰ্বাচনত জয়লাভ কৰে মোহন যাদৱে ।
১৯৬৫ চনৰ ৫ মাৰ্চত মধ্যপ্ৰদেশৰ উজ্জেয়নত জন্মগ্ৰহণ কৰা মোহন যাদৱে বহু বছৰ ধৰি বিজেপিৰ সৈতে জড়িত । শেহতীয়াকৈ ২০২৩ চনৰ মধ্যপ্ৰদেশ বিধানসভা নিৰ্বাচনত কংগ্ৰেছ প্ৰাৰ্থী চেতন প্ৰেমনাৰায়ণ যাদৱৰ বিৰুদ্ধে ১২,৯৪১ টা ভোটৰ ব্যৱধানত জয়লাভ কৰি উজ্জেয়ন দক্ষিণৰ আসনৰ পৰা বিধায়ক হয় মোহন যাদৱে।
