মহাৰাষ্ট্ৰৰ নাগপুৰৰ পৰা আহিছে এক ডাঙৰ খবৰ। চহৰখনৰ এটা কোম্পানীত ডাঙৰ বিস্ফোৰণ ঘটিছে। এই বিস্ফোৰণত কমেও ৯ জন লোকৰ মৃত্যু হোৱা বুলি জানিব পৰা গৈছে।
লাভ কৰা তথ্য অনুসৰি নাগপুৰৰ বাজাৰগাঁও গাঁৱৰ ছ’লাৰ এক্সপ্ল’ছিভ কোম্পানীত বিস্ফোৰণ সংঘটিত হয়।
ছ’লাৰ এক্সপ্ল’ছিভ কোম্পানীৰ কাষ্ট বুষ্টাৰ প্লাণ্টত পেকিং কৰাৰ সময়ত সংঘটিত হয় এই বিস্ফোৰণ। বিস্ফোৰণৰ পিছতে সেই স্থানত আৰক্ষীৰ লোক উপস্থিত হৈ উদ্ধাৰ কাৰ্য আৰম্ভ কৰাৰ লগতে ঘটনাৰ তদন্ত আৰম্ভ কৰিছে।
আৰক্ষী তথা স্থানীয় লোকে প্ৰকাশ কৰা প্ৰাথমিক তথ্য অনুসৰি মৃত্যুৰ সংখ্যা আৰু অধিক বৃদ্ধি পাব পাৰে।
