আজি ED য়ে গ্ৰেপ্তাৰ কৰাৰৰ সম্ভাৱনা আছে দিল্লীৰ মুখ্যমন্ত্ৰী অৰবিন্দ কেজৰিৱালক ।যিহেতু দিল্লীৰ আবকাৰী নীতিৰ কেলেংকাৰীৰ গোচৰ সন্দৰ্ভত EDৰ চমনক তৃতীয়বাৰৰ বাবে আওকাণ কৰিছে কেজৰিৱালে । আপৰ কেইবাজনো নেতাৰ দাবী ইডিৰ দলে মুখ্যমন্ত্ৰী কেজৰিৱালক ঘৰৰ পৰা গ্ৰেপ্তাৰ কৰাৰ সম্ভাৱনা আছে ।দিল্লীৰ মুখ্যমন্ত্ৰী অৰবিন্দ কেজৰিৱালৰ ঘৰলৈ যোৱা দুয়োটা পথ মুকলি কৰা হৈছে। বুধবাৰৰ নিশাৰ পৰা কেজৰিৱালৰ ঘৰৰ বাহিৰত আৰক্ষীৰ নিৰাপত্তা বৃদ্ধি কৰা হৈছে।
ৰাষ্ট্ৰীয় সংবাদ মাধ্যমত প্ৰচাৰিত খবৰ অনুসৰি, ইয়াৰ পূৰ্বে আৰক্ষীয়ে দিল্লীৰ মুখ্যমন্ত্ৰীৰ ঘৰলৈ যোৱা দুয়োটা পথ বন্ধ কৰি দিছিল। মুখ্যমন্ত্রীৰ বাসগৃহৰ কৰ্মচাৰীসকলকো তালৈ যোৱাত বাধা আৰোপ কৰিছিল ।সেইদৰে সংবাদ মাধ্যমৰ লোকক মুখ্যমন্ত্রী কেজৰিৱালৰ ঘৰৰ বাহিৰলৈ যাবলৈ অনুমতি দিয়াৰ খবৰো প্ৰচাৰিত হৈছে সংবাদ মাধ্যমত। সেইদৰে সংবাদ মাধ্যমৰ লোকসকলৰ বাবে সুকীয়া স্থানৰ ব্যৱস্থা কৰিছে । যিটো সাধাৰণতে বিশেষ দিন সমূহতহে কৰা হয়।
ইফালে, আম আদমি পাৰ্টিৰ নেতাৰ দাবী ED য়ে আজি অৰবিন্দ কেজৰিৱালক গ্ৰেপ্তাৰ কৰিব পাৰে। আপৰ নেতা তথা মন্ত্ৰী আতিশীয়ে এক্সৰ হেণ্ডেলত কেজৰিৱালক গ্ৰেপ্তাৰৰ সম্ভাৱনাৰ কথা উল্লেখ কৰিছে।
কেজৰিৱালৰ ঘৰত চলিব দিল্লী আৰক্ষীৰ অভিযান !
ইডিয়ে বুধবাৰে আপৰ ৰাষ্ট্ৰীয় আহ্বায়ক অৰবিন্দ কেজৰিৱাললৈ তৃতীয়খন জাননী প্ৰেৰণ কৰিছিল। ইয়াৰ পূৰ্বে ২ নৱেম্বৰ আৰু ২১ ডিচেম্বৰতো দিল্লীৰ মুখ্যমন্ত্ৰীক সোধা-পোছাৰ বাবে মাতিছিল ED য়ে । ইডিৰ সন্মুখত হাজিৰ হ’বলৈ অস্বীকাৰ কৰিছিল দিল্লীৰ মুখ্যমন্ত্ৰী অৰবিন্দ কেজৰিৱালে । আজি অৰ্থাত বৃহস্পতিবাৰে পুৱা তদন্তকাৰী সংস্থাই অৰবিন্দ কেজৰিৱালৰ ঘৰত অভিযান চলাব পাৰে বুলি বুধবাৰে কেইবাগৰাকীও আপৰ নেতাই উল্লেখ কৰিছিল ।
