জম্মু সংমণ্ডলৰ ৰাজৌৰি জিলাৰ নৌশ্বেৰাত ভাৰত-পাকিস্তান নিয়ন্ত্ৰণ ৰেখাৰ সমীপৰ ফৰৱাৰ্ড এলেকাত সংঘটিত এটা লেণ্ডমাইন বিস্ফোৰণত এজন জোৱানৰ মৃত্যু হোৱাৰ লগতে দুজন জোৱান আহত হয়।
ফৰৱাৰ্ড এলেকাত টহল দি থকা অৱস্থাত এই বিস্ফোৰণ সংঘটিত হয়।
তথ্য অনুসৰি বৃহস্পতিবাৰে পুৱা প্ৰায় ১০.৩০ বজাত ৰাজৌৰি জিলাৰ কলালৰ ভাৰত-পাকিস্তান নিয়ন্ত্ৰণ ৰেখাৰ সমীপৰ ফৰৱাৰ্ড পোষ্ট পোখৰাৰ ওচৰত টহল দি থকা অৱস্থাত এটা লেণ্ডমাইন বিস্ফোৰণ ঘটে।
এই ঘটনাত এজন জোৱান শ্বহীদ হয় আৰু আন দুজন জোৱান আহত হয়। দুৰ্ঘটনাটোৰ তথ্য পোৱাৰ লগে লগে লগে লগে সেই স্থানত উপস্থিত হয় আন জোৱান। আহতসকলক চিকিৎসাৰ বাবে ওচৰৰ চিকিৎসালয়লৈ লৈ যোৱা হয়।
প্ৰাথমিক চিকিৎসাৰ অন্তত এজন আহত জোৱানক এয়াৰলিফ্টৰ জৰিয়তে উধামপুৰ কমাণ্ড হাস্পতাললৈ স্থানান্তৰ কৰা হয়।
বিস্ফোৰণৰ ফলত শ্বহীদ হোৱা জোৱানজনক পঞ্জাৱৰ লুধিয়ানা নিবাসী অজয় সিং বুলি চিনাক্ত কৰা হৈছে। আনহাতে আহত হোৱা আন দুজনক বলৱন্ত আৰু ধৰমিন্দৰ সিং বুলি চিনাক্ত কৰা হৈছে।
