ব্ৰাজিলৰ চাও পাওলো ৰাজ্যৰ এখন অৰণ্যত দুৰ্ঘটনাগ্ৰস্ত হৈছে এখন বিমান। এই দুৰ্ঘটনাত দুজন লোকৰ মৃত্যু হোৱা বুলি বিষয়াসকলে জানিবলৈ দিয়ে।
ছিনহুয়া সংবাদ সংস্থাৰ বাতৰি অনুসৰি, পিটি-ডিকেএ নামেৰে পঞ্জীয়নভুক্ত পাইপাৰ কমাঞ্চ বিমানখনে বৃহস্পতিবাৰে পুৱা চাও পাওলো চহৰৰ এটা ব্যক্তিগত বিমানবন্দৰৰ পৰা দুজন লোকক লৈ উৰা মাৰিছিল।
ব্ৰাজিলৰ বায়ুসেনাই কয় যে বিশেষজ্ঞসকলে দুৰ্ঘটনাৰ কাৰণৰ তদন্ত কৰি আছে।
এই দুৰ্ঘটনাটো পাহাৰীয়া গ্রীষ্মমণ্ডলীয় বনাঞ্চলত সংঘটিত হৈছে য’ত যোৱা বছৰৰ ডিচেম্বৰ মাহত ইলহাবেলা দ্বীপলৈ যোৱা এখন হেলিকপ্টাৰো দুৰ্ঘটনাগ্ৰস্ত হৈছিল। এই দুৰ্ঘটনাত ৪ জন লোকৰ মৃত্যু হয়।
