হাৰিয়ানাৰ শোণিপটত এখন তীব্ৰবেগী বাহনে তিনিজন চাইকেল আৰোহী আৰু এখন স্কুটাৰত খুন্দা মৰাৰ ফলত চাৰিজন লোকৰ থিতাতে মৃত্যু হয়। আনহাতে গুৰুতৰভাৱে আহত হয় আন এজন ব্যক্তি।
দুৰ্ঘটনাটোত নিহত লোকসকল নেপালৰ বাসিন্দা বুলি জানিব পৰা গৈছে। দুৰ্ঘটনাটো সংঘটিত কৰা বাহনখনত থকা যুৱক তিনিজনো সামান্য পৰিমানে আহত হয়।
তথ্য অনুসৰি এই দুৰ্ঘটনা সংঘটিত হৈছে শোণিপটৰ মামা ভাঞ্জা চকত। তীব্ৰবেগী বাহনখনে চাইকেলেৰে গৈ থকা লোকসকলক মহতিয়াই লৈ যায়। এই দুৰ্ঘটনাত ৪ জন লোকৰ মৃত্যু হয়।
দুৰ্ঘটনাটোৰ তথ্য পোৱাৰ লগে লগে শোণিপট অসামৰিক লাইন আৰক্ষী থানা আৰু অসামৰিক চিকিৎসালয়ৰ চিকিৎসকৰ এটা দল সেই স্থানত উপস্থিত হয়।
আৰক্ষীয়ে মৃতদেহ কেইটা উদ্ধাৰ কৰি মৰণোত্তৰ পৰীক্ষাৰ বাবে অসামৰিক চিকিৎসালয়লৈ প্ৰেৰণ কৰিছে।
মৃত লোকজনে শোণিপটত ওৱেটাৰ হিচাপে কাম কৰি আছিল। গভীৰ নিশা এটা অনুষ্ঠানৰ পৰা ঘৰলৈ উভতি আহি থকা অৱস্থাত এই দুৰ্ঘটনা সংঘটিত হয়।
