মধ্য প্ৰদেশৰ মণ্ডলা জিলাৰ বিচিয়া আৰক্ষী থানাৰ অন্তৰ্গত ঔৰই গাঁৱৰ সমীপত শুকুৰবাৰে নিশা এখন জীপে ৰখাই থোৱা এখন ট্ৰাকত খুন্দা মৰাৰ ফলত ৪ জন লোকৰ মৃত্যু হোৱাৰ লগতে ৬ জন আহত হয়।
বিচিয়া আৰক্ষী থানাৰ ভাৰপ্ৰাপ্ত বিষয়া ধৰ্মেন্দ্ৰ সিং ধূৰ্ভেই জনোৱা মতে, জীপ চালকজনে তীব্ৰ বেগেৰে গাড়ী চলাই আহিছিল।
তেওঁ কয় যে জীপত যাত্ৰা কৰা লোকসকল বিচিয়াৰ পৰা ছিণ্ডৱাৰালৈ গৈ আছিল আৰু এই দুৰ্ঘটনাটো ঔৰইৰ সমীপত সংঘটিত হৈছে।
সিঙে কয় যে এই দুৰ্ঘটনাত সুনীল কুড়া (৩০), তিৰথ কুড়াপে (৪০), দাৰা সিং উইকে (৫৫) আৰু ৰোহিত ছাইয়াম (২৮)ৰ মৃত্যু হয়। আটাইকেইজনেই আছিল চিণ্ডৱাৰাৰ বাসিন্দা।
আনহাতে চাৰিগৰাকী মহিলাকে ধৰি ছজন লোক আহত হৈছে আৰু ইয়াৰে এগৰাকী মহিলাৰ অৱস্থা সংকটজনক বুলি জানিব দিয়ে আৰক্ষী বিষয়াগৰাকীয়ে।
সিঙে মৃতকৰ মৃতদেহ মৰণোত্তৰ পৰীক্ষাৰ বাবে প্ৰেৰণ কৰিছে বুলি জানিবলৈ দিয়ে। তেওঁ কয় যে গুৰুতৰভাৱে আহতসকলক মণ্ডলৰ জিলা চিকিৎসালয়লৈ প্ৰেৰণ কৰা হৈছে। বিষয়টোৰ পৰিদৰ্শন অব্যাহত আছে।
