বিগত এবছৰ ধৰি অস্থিৰ হৈ থকা মণিপুৰত পুনৰ সংঘটিত হৈছে এটা ভয়ংকৰ ঘটনা। ইম্ফলৰ ধনমঞ্জৰি বিশ্ববিদ্যালয়ৰ চৌহদৰ ভিতৰত থকা সদৌ মণিপুৰ ছাত্ৰ সন্থাৰ কাৰ্যালয়ত সংঘটিত হৈছে ভয়ংকৰ বোমা বিস্ফোৰণ।
শুকুৰবাৰে নিশা প্ৰায় ৯.২৫ বজাত কোনো অচিনাক্ত দুৰ্বৃত্তই কাৰ্যালয়ৰ পূৱ দিশত সংঘটিত কৰে বোমা বিস্ফোৰণ।
বোমা বিস্ফোৰণৰ ফলত এজন ছাত্ৰ নিহত হোৱাৰ লগতে আন এজন গুৰুতৰভাৱে আহত হয়। নিহত ছাত্ৰজন ঐনাম কেনেগী বুলি জানিব পৰা গৈছে।
আনহাতে আহত ছালাম মাইকেল বৰ্তমানেও চিকিৎসাধীন।
ঘটনাস্থলীত আৰক্ষী উপস্থিত হৈ আৰম্ভ কৰিছে তদন্ত।
