উত্তৰাখণ্ডৰ পৰা আহিছে এক মৰ্মান্তিক দুৰ্ঘটনাৰ খবৰ। ডেৰাডুনৰ টুইনিত সংঘটিত এই দুৰ্ঘটনাটোত হিমাচল প্ৰদেশৰ ৬ গৰাকী লোক নিহত হোৱাৰ লগতে এজন আহত হয়।
হিমাচল প্ৰদেশৰ এখন গাঁৱৰ পৰা অহা লোক কেইজনৰ গাড়ীখন দ’ খাৱৈত বাগৰি পৰাৰ ফলত ৬ জন লোকৰ মৃত্যু হয় আৰু এজন আহত হয়। মৃত লোক কেইজনৰ ভিতৰত কেইজন মান আছিল এটা পৰিয়ালৰে।
থানা টুইনিৰ বিষয়াই জানিব দিয়া মতে, আজি অটল পথৰ হান্সনু গাঁৱৰ সমীপত এখন বাহন দ’ খাৱৈত পৰি যোৱাৰ খবৰ পোৱা গৈছিল।। তথ্যৰ ভিত্তিত টুইনি থানাৰ আৰক্ষী বাহিনী আৰু এছ ডি আৰ এফৰ দলে লগে লগে ঘটনাস্থলত উপস্থিত হৈ সাহায্য আৰু উদ্ধাৰ অভিযান আৰম্ভ কৰে।
দুৰ্ঘটনাটোত গাড়ীখনত থকা ৬ জন লোকৰ থিতাতে মৃত্যু হোৱাৰ লগতে এজন লোক গুৰুতৰভাৱে আহত হয়, যাক আৰক্ষীৰ দলে উদ্ধাৰ কৰি প্ৰাথমিক চিকিৎসাৰ বাবে টুইনিৰ চৰকাৰী প্ৰাথমিক স্বাস্থ্য কেন্দ্ৰলৈ প্ৰেৰণ কৰে।
আৰক্ষীয়ে এছডিআৰএফ আৰু স্থানীয় ৰাইজৰ সহযোগত মৃত লোকজনৰ মৃতদেহ খাৱৈৰ পৰা উলিয়াই আনিবলৈ সক্ষম হয়।
