শিক্ষক দিৱসৰ দিনাই অঘটন। পাঠশালাৰ আনন্দৰাম বৰুৱা একাডেমীত এই অঘটন।
শিক্ষানুষ্ঠানখনৰ ৩ মহলীয়া অট্টালিকাৰ পৰা জপিয়ালে এজন ছাত্ৰই। বহু সময় ধৰি ছাত্ৰজনে জপিয়াবলৈ চেষ্টা কৰি থকা প্ৰত্যেক্ষ কৰি বিদ্যালয়ৰ কৰ্তৃপক্ষই আৰক্ষীক খবৰ দিয়ে।
ঘটনাস্থলীত আৰক্ষী আৰু SDRF বাহিনীৰ দল উপস্থিত হয়। আনহাতে আৰক্ষীৰ সন্মুখতে ছাত্ৰজনে ৩ মহলীয়া অট্টালিকাৰ পৰা জাপ দিয়ে।
ইতিমধ্যে ছাত্ৰজনক পাঠশালা চৰকাৰী স্বাস্থ্য কেন্দ্ৰত ভৰ্তি কৰোৱা হৈছে। ছাত্ৰজন উচ্চতৰ মাধ্যমিক শাখাত অধ্যয়নৰত আছিল। লগতে ছাত্ৰজনৰ ঘৰ শুৱালকুছিত বুলি জানিব পৰা গৈছে।
