২০২৩ বৰ্ষৰ ২৯ সংখ্যক মুনীন বৰকটকী সাহিত্য বঁটা আগবঢ়োৱা হৈছে তৰুণ লেখক নয়নজ্যোতি শৰ্মালৈ । ‘জাল কটা জুই’ শীর্ষক চুটিগল্প সংকলনৰ বাবে এই বঁটা লাভ কৰিছে প্রতিশ্ৰুতি সম্পন্ন যুৱ লেখক নয়ন জ্যোতি শৰ্মাই । ১৯৯৫ চনৰ পৰা অসমীয়া ভাষাৰ ন লেখক-লেখিকাসকলক উদগনি যোগোৱাৰ উদ্দেশ্যে মুনীন বৰকটকী স্মাৰক ন্যাসে এই বঁটা প্ৰদান কৰি আহিছে । বঁটাত আছে নগদ ৫০ হাজাৰ টকা, এটা স্মাৰক আৰু এখন প্রশস্তি-পত্ৰ।
সু-সাহিত্যিক, সমালোচক, সাংবাদিক প্রয়াত মুনীন বৰকটকীৰ পুণ্যস্মৃতিত মুনীন বৰকটকী স্মাৰক ন্যাসৰ তৰফৰপৰা অসমীয়া প্ৰতিভাশালী তৰুণ লেখক-লেখিকাসকলক উদগনি জনাবলৈ প্ৰদান কৰি অহা বাৰ্ষিক মুনীন বৰকটকী সাহিত্য বঁটা, সোমবাৰে ঘোষণা কৰা হয়। মুনীন বৰকটকী স্মাৰক ন্যাসৰ ফালৰ পৰা এক বিবৃতিযোগে ২০২৩ বৰ্ষৰ এই বটাঁৰ কথা ঘোষণা কৰে।
