বুধবাৰে আমেৰিকাৰ টেক্সাছত দুখন বাহনৰ ভয়াবহ সংঘৰ্ষত ৮ জন লোকৰ মৃত্যু হয়। দুৰ্ঘটনাত পতিত হোৱা বগা ৰঙৰ হোণ্ডা গাড়ীখনত থকা লোকসকল আছিল অবৈধ নাগৰিক, যিয়ে গ্ৰেপ্তাৰৰ পৰা হাত সাৰিবলৈ পলায়ন কৰাৰ সময়তে দুৰ্ঘটনাত পতিত হয়।
দুৰ্ঘটনাটোত বগা গাড়ীখনত থকা ৬গৰাকী লোকৰ মৃত্যু হোৱাৰ বিপৰীতে আনখন গাড়ীত থকা দম্পতীৰো মৃত্যু ঘটে।
টেক্সাছ আৰক্ষীৰ বিষয়াসকলে জনোৱা মতে, বগা ৰঙৰ হোণ্ডা গাড়ীৰ চালকজনে নথি-পত্ৰবিহীন অনুপ্ৰৱেশকাৰীক কঢ়িয়াই লৈ ফুৰিছিল। মেক্সিকান সীমান্তৰ পৰা প্ৰায় ১০০ কিলোমিটাৰ দূৰত্বৰ এটা পথত আৰক্ষীৰ পৰা হাত সাৰিবলৈ পলায়ন কৰিছিল।
সেই সময়তে, এখন ট্ৰাকৰ খুন্দাৰ পৰা বাচিবলৈ গৈ আন এখন গাড়ীত খুন্দা মৰাৰ ফলত দুয়োখন গাড়ীত থকা আটাইকেইজন লোকৰ মৃত্যু হয়।
টেক্সাছৰ পাব্লিক ছেফটি ডিপাৰ্টমেণ্টৰ এগৰাকী মুখপাত্ৰই সংবাদ সংস্থাক জনোৱা মতে, ৭ জন ভুক্তভোগীৰ মৃত্যু হোৱাৰ বিপৰীতে অষ্টমজনৰ মৃত্যু হয় চিকিৎসালয়ত।
আৰক্ষীৰ মতে, বগা ৰঙৰ হোণ্ডা গাড়ীখনত নিহত হোৱা প্ৰব্ৰজনকাৰী কেইজন হণ্ডুৰাছৰ।
