কাইলৈ ভাৰত আৰু অষ্ট্ৰেলিয়াৰ মাজত গুৱাহাটীত অনুষ্ঠিত হ’ব টি ২০ শৃংখলাৰ এখন গুৰুত্বপূৰ্ণ খেল । বৰ্ষাপাৰাত অনুষ্ঠিত হ’বলগীয়া টি ২০ খেলখনৰ বাবে গুৱাহাটীত আহি উপস্থিত হৈছেহি ভাৰত আৰু অষ্ট্ৰেলিয়াৰ দল ।
বৰঝাৰ বিমান বন্দৰৰ পৰা দুখন বাছত দল দুটাক লৈ যোৱা হয় ৰেডিচন ব্লু আৰু ভিভাণ্টালৈ । জনিব পৰা মতে ভাৰতীয় দলটো থাকিব হোটেল ৰেডিচন ব্লু ত আৰু কেংগেৰু বাহিনী থাকিব ভিভাণ্টাত ।
কেইবাগৰাকীও যুৱ ক্রিকেটাৰে গঠিত ভাৰতীয় টি ২০ ক্রিকেট দলটোৰ অধিনায়ক সূৰ্য কুমাৰ যাদৱ ।
সন্ধিয়া ৭ বজাৰ পৰা হ’বলগীয়া খেলখন ভাৰতৰ বাবে অতিকৈ গুৰুত্বপূৰ্ণ । কাইলৈ খেলখনত জিকিলে ভাৰতে শৃংখলা নিজৰ দখললৈ আনিবলৈ সক্ষম হ’ব। যি সকলে ষ্টেডিয়ামত খেলখন চাম বুলি ভাবিছে সেই সকল দৰ্শক তিনি ঘণ্টাৰ আগতে ষ্টেডিয়ামত প্ৰবেশ কৰিব লাগিব ।
