উত্তৰ প্ৰদেশৰ কোটৱালি ওৰাইত সংঘটিত হৈছে এক হৃদয় বিদাৰক ঘটনা। কোচিঙৰ বাবে যোৱা দুগৰাকী ছাত্ৰীয়ে ৰে’ল লাইন পাৰ হ’ব লওতেই ৰে’লে খুন্দিওৱাৰ ফলত এগৰাকীৰ মৃত্যু হোৱাৰ বিপৰীতে আন এগৰাকী গুৰুতৰভাৱে আহত হয়।
ঘন কুঁৱলীৰ বাবে ছাত্ৰী দুগৰাকীয়ে ৰে’লখন অহা দেখা নাছিল বুলি স্থানীয় প্ৰশাসনে জানিব দিয়ে।
আৰক্ষীৰ সূত্ৰৰ পৰা পোৱা তথ্য অনুসৰি শনিবাৰে পুৱা কোটৱালি ওৰাইত দুই বান্ধৱী বৰষা (১৮) আৰু কাজল (১৭) কোচিঙৰ বাবে ষ্টেচন ৰোড ওৰাইলৈ গৈ আছিল।
কোচিং চেণ্টাৰলৈ যোৱাৰ পথত থকা ৰে’ল লাইন পাৰ হ’ব লওতেই ৰে’লখনে খুন্দা মাৰে ছাত্ৰী দুগৰাকীক। দুৰ্ঘটনাটোৰ ফলত কাজল নামৰ ছাত্ৰীগৰাকীৰ থিতাতে মৃত্যু হয় আৰু আনগৰাকী গুৰুতৰভাৱে আহত হয়। তেওঁ বৰ্তমান ওৰাই মেডিকেল কলেজত চিকিৎসাধীন হৈ আছে।
স্থানীয় আৰক্ষীয়ে এই ঘটনাৰ তদন্ত আৰম্ভ কৰিছে বুলি সংবাদ মাধ্যমক জনায়।
